Us de Schwiiz für d'Schwiiz
WER SIND MIR?
Bild: Mauro Kälin, Co-Founder von Chapter1291 KLG
Mir sind zwei Jungs us Einsidle im Kanton Schwyz, 21gi und 24gi. Chapter 1291 hend mir nöd gründet, um eifach Geld z verdiene, sondern will mir wieder hochwertigi Kleider mache wänd, mit dene mer als Schwiizer sini Heimat und sini Wert repräsentiere cha.
Mir wänd de Heimatstolz wieder sichtbarer mache: im Alltag, i de Freiziit oder überall det, wo mer zeigt, dass mer stolz uf üsi Schwiiz isch.
WAS PASSIERT MIT EUSEM GWÜNN?
Nach Abzug vo Produktions-, Versand- und Betriebskoste unterstützed mir Projekt und Aktione, wo sich für d Bewahrig vo de Schwiiz iisetzed. Das chönd Initiative, Petitione, Unterschriftensammlige oder Events sii, wo üsi Kultur, Sicherheit und Zukunft stärked wie zb mal en Grillabig mit dere Community.
Wenn du bi eus es Shirt chaufsch, hesch nöd nume es Piece dihei, sondern es Stück Heimat. Und gleichzeitig unterstützisch du e Politik und e Haltig, wo üsi Schwiiz langfristig bewahre duet.
QUALITÄT ISCH ES A&O
Eusi Shirts werdet sorgfältig usgwählt und in Europa veredlet. Mir setzed bewusst uf hochwertigi Qualität statt uf billigi Masseware. Schwiizer Kleider sötted lang hebe, guet usgseh und nachhaltig sii, genau wie üsi Gesellschaft au.
SWISS FIRST